UNA Rehegua
UNA niko Paraguay Retã mbo’ehaovusu ojehecharamovéva, oñeha’ãva ohupyty tekombo’e ha tembikuaareka hekokatúva ha ogueroguatáva polítika hesakãva tetãita mbo’ehaovusukuéra ndive ha omombaretéva ñemongu’e temimbo’e (etéva ha yvatevéva), mbo’ehára, tembikuaarekahára ha mbohapekuaa mboajehára rehegua.
Tuvichakuéra
Mb Tkj Zully Concepción Vera de Molinas
Mb Tkj Miguel Wenceslao Torres Ñumbay
Tembiasakue Mbyky
Tetã Mbo’ehaovusu Paraguaygua, heñói Léi “Tekombo’e Mbyte ha Vusugua” rupi, ára 24 jasuporundy ary 1889-pe, ha Kuatiaguasu ára 30 jasyporundygua upe ary guare rupi ojeporavo ára 1° jasyapygua 1890-pe oñemboaje haĝua mbohapy Aranduo reheve: Tekojoja ha Avarekokuaaty, Pohãnokuaa ha Ambue Hesegua, ha Papapyreko.
Iñe’ẽporavopyre, “Vitam impendere vero”, he’iséva “ñande rekove pukukue jahekava’erãha añetegua”.
Ko’áĝa Mbo’ehaovusu oguereko 14 Aranduo, 5 Kuaarenda, 1 Tesãi Tembikuaareka Mbo’ehao, 1 Tetã Aty Tendyry Atómika rehegua, 2 Mitãrusumbo’ehao, 40 Aranduoñemoña. Oguereko 81 arandurape etéva, 2 aporekogua ha 204 arandurape yvatevéva. UNA oguereko 55.597 temimbo’e ha 9.417 mbo’ehára. Oñemohenda 22 távape ha 12 tetãpehẽme oĩháme aranduoñemoña ome’ẽva juruja hetaiterei mitãrusúpe oikóva ñane retãpýre.
Oñemopu’ã guive oñeha’ã omoañete ñane retã kerayvoty, oñeha’ã omombarete tekombo’e, tembikuaareka, kuaapyso, mba’epyahureñoi ha tekosakã