Heñói Mbo'ehaovusu Paraguaygua Tekovoña (Ley) Tekombo'e mokõiha ha kokatuvéva, 24 jasyporundy 1889 rupive ha Tembiapoukapy (Decreto) 31 jasyporundy pe arýpegua he'íva heñoitaha 1 jasyapy 1890-pe ha oipe'átaha hokê mbohapy mbo'ehaoguasu: Derecho ha Ciencias Sociales, Medicina ha heseguáva, ha Matemáticas, ko ipahápe oîva ndoikói.

Oipe'a hokê mbo'ehaoguasu Ciencias Físicas ha Matemáticas Tembiapoukapy (Decreto) 23.253 rupive, 10 jasyapy 1926-pegua.

Mbo'ehaovusu reko ñemoambue, ha Tekovoña (Ley) 1048, 25 jasypoteî 1929-pegua ombo'ava ha ome'ê chupe sasõ oñembombarete ha oiko hagua ijehegui.

Heñói Mbo'ehaoguasu Ciencias Económicas Tembiapoukapy (Decreto) 9.936 rupive 16 jasyapy 1937-pegua, ha Odontología Tembiapoukapy Tekovoña 10.730 rupive 19 jasyrundy 1937-pegua.

Heñói Mbo'ehaoguasu Química ha Farmacia Tembiapoukapy 6.560 rupive, 9 jasypo 1938-pegua.

Heñói Instituto de Enseñanza del Personal Femenino Auxiliar de Salud Pública "Dr. Andrés Barbero" Tembiapoukapy 17.865 rupive 5 jasyrundy 1943-pegua

Heñói Mbo'ehaoguasu Filosofía Tembiapoukapy - Tekovoña 24.929 rupive, 16 jasykõi 1.948-pegua

Heñói Mbo'ehaoguasu Agronomía ha Veterinaria Tekovoña 242 rupive, 20 jasyporundy 1954-pegua. Oñepyrû ombo'ereko 23 jasyrundy 1956-pe.

Mbo'ehaovusu Paraguaygua oñembohetepy Tekovoña 356 rupive, 9 jasypokõimegua, kóva rupi isasõ.

Heñói Mbo'ehaovusu Arquitectura ha Mbo'ehao Bellas Artes, Jehupyrehai (Acta) 10 Temianduka Tuichavéva Mbo'ehaovusugua (Consejo Superior Universitario) rupive, 26 jasyporundy 1957-pegua.

Mbo'ehaovusu Paraguayguápe oñembohasa Instituto Física ha Química heñói hagua Instituto Nacional de Investigaciones Científicas Tembiapoukapy 19.710 rupive 21 jasypakõi 1961-pegua.

Heñói Instituto de Ciencias Básicas Jehupyrehai (Acta) 73 Temianduka Tuichavéva Mbo'ehaovusugua rupive, 14 jasyporundy 1962-pegua.

Mbo'ehaovusu Paraguayguápe heñói Instituto Superior de Lenguas, Apoukapy (Resolución) 123b rupive, 2 jasyrundy 1965-pegua.

Apoukapy 1142-00-74 rupive oñemboja'o Mbo'ehaoguasu Agronomía ha Veterinaria mokõi Mbo'ehaovusúpe, peteîha Ingeniería Agronómica ha ambue Ciencias Veterinarias.

Heñói Instituto de Ingeniería Electrónica Apoukapy 1209-00-75 Temianduka Tuichavéva Mbo'ehaovusugua (Consejo Superior Universitario) rupive, 10 jasypoteî, 1975-pegua.

Heñói Mbo'ehaoguasu Politécnica Apoukapy 1538-00-79 Temianduka Tuichavéva Mbo'ehaovusugua (Consejo Superior Universitario) rupive, 8 jasykõi 1979-pegua.

Heñói Instituto de Ciencias Geográficas Apoukapy 1538-00-1979 Temianduka Tuichavéva Mbo'ehaovusugua rupive, 8 jasykõi 1979-pegua.

Mbo'ehaovusu Paraguaygua oñemboheko pyahu Tekovoña (Ley) 1.291 rupive, 18 jasypakõi 1987-pegua.

Mbo'ehaovusu Ciencias Médicas rehe ojoapy Instituto Dr. Andrés Barbero Apoukapy 2756-00-89 rupive, 24 jasypoapy 1989-pegua.

Heñói Mbo'ehaoguasu Ciencias Exactas ha Naturales Apoukapy 294-00-90 Temianduka Tuichavéva Mbo'ehaovusugua rupive, 21 jasypoteî 1990-pegua, oipe'a ypýrõguare hokê hérava'ekue Ciencias Básicas.

Amandaje Paraguáipegua ohai ha onohê Tekovoñaite pyahúpe Vore'i 79º Mbo'ehaoguasukuéra isasõ ha ikatuha ojapo hekorã ha Apoukapy sambyhyrã

Tetã Paraguái Pavê Tekovoña (Congreso Nacional) onohê Tekovoña 136 "Mbo'ehaoguasu rehegua" oñangarekóva mbo'ereko tuichavéva rehe Tekovoñaite Paraguáigua oipotaháicha.

Mbo'ehaoguasu Arquitectura pehênguérõ heñói Instituto Superior de Arte, Apoukapy 4737-00-95 Temianduka Tuichavéva Mbo'ehaovusugua (Consejo Superior Universitario) rupive, 9 jasyapy 1995-pegua.

Oñemo'añete oñemoambue hagua Mbo'ehaguasu Ciencias Físicas ha Matemáticas réra Mbo'ehaoguasu Ingeniería rérare, Apoukapy 4793-00-95 Temianduka Tuichavéva Mbo'ehaovusugua (Consejo Superior Universitario) rupive, 27 jasyrundy 1995-pegua.

Ojejapo ha oñemboguata Mbo'ehaovusu Paraguaypegua Tekovoña (Estatuto de la Universidad Nacional de Asunción) Temianduka Tuichavéva Mbo'ehaovusugua Apoukapy 5416-00-96 rupive, 4 jasypokõi 1996-pegua.

Amandaje mbo'ehaoguasugua oiporavo Mbo'ehaovusu motenondehárarã (Rector) ha Mbo'ehaovusu motenondehára pytyvõhárarã (Vicerrector), oî'ÿre jejopy peteî jeporavópe osê Prof. Dr. Darío Zárate Arellano ha Prof. Raúl Battilana. Ko jeporavo oiko 10 jasypo 1999-pe.

Amandaje Mbo'ehaoguasugua, 19 jasykõi 2000-pe ojapo ha omboguata Tekovoña pyahu Mbo'ehaovusu Paraguaygua.

Instituto de Ciencias Geográficas oñemoirû Mbo'ehaoguasu Ingeniería Temianduka Tuichavéva Mbo'ehaovusugua Apoukapy 7944-00-2000 rupive, 29 jasykõi 2000-pegua.

Mbo'ehaoguasu Ingenieríare oñemoirû Instituto de Ingeniería Electrónica Temianduka Tuichavéva Mbo'ehaovusugua Apoukapy 7944-00-2000 rupive, 29 jasykõi 2000-pegua.

Amandaje Mbo'ehaovusugua, 26 jasyrundy 2004-pe oñombyaty oiporavo hagua umi osambyhýva'erã Mbo'ehavusu Paraguaypegua. Uperõ iporavopyre ha'e: Prof. Ing. Agr. Pedro Gerardo González motenondehararã (Rector) ha ipytyvõhararã (Vicerrector) Prof. Ing. Amado Franco Navoni, Ãva osambyhýva'erã 2004-2009 pukukue jave.