|
UNA-rehegua
Mbo'ehaovusu ñemohenda
Mbo'ehaovusu Tetãgua Paraguaygua ha'e peteî mbo'ehaovusu avaetagua ha hekoteéva.
Mbo'ehaovusu rekoteê
Hekoteê rupi mbo'ehaovusukuérape ñembo'e ha jeporeka oiko oî'ÿre mba'evéichagua jejopy okapegua oñemopyrendáva potapy, tekuaimbo'e térã virúpe.
Mbo'ehaovusu Tetãgua Paraguaygua apopyrã reko rupi, hekoteê oipyhy, mbo'epyrã ha jeporeka sãso ndive, ijapopy ha hekorã rape apo, sambyhyrã sãso ombohete, oiporavo hagua huvichakuéra ha oñemoirû hagua mbo'ehaokuéra ndive, ha sãso ñeñangareko ha mba'eapópe ojejapóva ipype.
Hete ha ñemohenda
Umi mbo'ehao'aty mohendahára tuichavéva Mbo'ehaovusu Tetãgua Paraguaypegua ha'e mbo'ehaorusukuéra, ogueraháva tenonde gotyo mbo'epyrã apo.
Mbo'epy apopyrã ojejapo mbo'ehaorusukuérape, oñembyaty arandurã imbo'epy reko rupive ha ijoaju ha poguyguajoja oîva ijapytépe.
UNA-pe mbo'ehaorusukuéra isãso añete, ojehechaukáva, ambue mba'e apytépe, heko rape ha jeikerã reko apópe, mbo'epy me'êñepyrû ha ipaha, tepyme'êrã, avei apopy rekochauka ha apopy mbo'erãme. Ága ãvagui heta mba'e omoneíramo jepe Mbo'ehaovusupegua Tekombo'ehára'aty Yvatevegua (Consejo Superior Universitario), ikatu oje'e mbo'ehaorusukuéra ñemohenda ha'ekuérante ojapoha.
Ñane Mbo'ehaovusu oguereko avei mbo'esyryo, mbo'ehao aporekokuaa ha jeporeka rehegua ha mbo'ehao'aty mba'apokuaaitegua oñembo'ehápe, oipytyvõ avei mbo'epyrã rekohárape, tembikuaaty apópe aranduverã mbo'epy oñeme'ê hagua.
Mbo'ehao'aty mbo'epygua oñemohenda Mba'eatyrendápe, oikóva ichuguikuéra mbo'eapo apy, jeporeka ha jepyso ombyatýva mbo'eharakuéra ha jeporekahárakuérape peteî mbo'epyrã jeporavopyrégui.
Mbo'ehaovusu ñesambyhy
Mbo'ehaovusu aty poravopyre UNA-pegua oiko mbo'ehárakuéra, mbo'esyry omohu'ãva'ekue ombo'e'ÿva ha temimbo'ekuéragui, jeporavopyre oîva herakuérape, ojapo Mbo'ehaovusu ha imbo'ehao'aty mbo'epygua oisambyhýva retepy.
Sambyhyha retepyteéva ha mburuvichakuéra UNA-pegua ha'e:
-
Mbo'ehaovusu Amandaje. Ha'e mbo'ehaovusu retepy tuichavéva myesakarã ha ojapo hagua mbo'ahaovusu rekorã, apopyrã reko ñemoambue, Mburuvicha pavê ha Ipytyvõhára jeporavo, ombojoja mbo'ehaovusu virupuru mba'eapópe. Amandaje ombohete Mburuvicha pavê (Rector), Mburuvicha pavê pytyvõhára (Vicerrector) ha umi mbo'ehára, mbo'esyry mohu'ãpyre ombo'e'ÿva ha temimbo'ekuéra jeporavopyre.
-
Mbo'ehaovusúpegua Tekombo'ehara'aty Yvatevegua Oisambyhy Mbo'ehaovusu Tetãgua Paraguaygua, mbo'ehaovusu tekuaimbo'e he'iháicha Amandaje apopy ha Apopyrã rekópe oîháicha. CSU ombohete Mburuvicha pavê, Mburuvicha pavê pytyvõhára, Sambyhyharakuéra ha peteî mbo'ehára Mbo'ehaorusukuéragua, mbo'esyry mohu'ãpyre ombo'e'ÿva ha temimbo'ekuéra jeporavopyre.
-
Mburuvicha pavê omotenonde ha oñangareko Mbo'ehaovusúre, omyakã CSU aty ha oporohenói Mbo'ehaovusu Amandaje oiko hagua, omoî Pytyvõhárape, omoingeka ha oguerovauka imba'apoharakuérape, ojapo avei opáichagua tekorã Mbo'ehaovusu apopyrã reko he'iháicha.
-
Mburuvicha pavê pytyvõhára oike CSU retepýpe, omotenonde ha ojapo tembiapo heseguáva ha ojapoukáva chupe Mburuvicha pavê ha opyta Mburuvicha pavê rekovia apopyrã rekópe he'iháicha.
-
Sambyhyhára Tekombo'eaty Aporãkatu apytépe, mbo'ehaorusukuéra Sambyhyhára Tekombo'eaty omoneiva'erã apopyrã ha mbo'epy apopyrã opavave arandurãmegua, oiporavo sambyhyhárakuérape, he'i araka'épa mbo'e ñepyrûmby ha ipaha ha oikuave'ê mbo'ehárakuérarãme. Sambyhyhára Tekombo'eaty ombohete Mbo'ehaorusu Sambyhyhára, Sambyhyha Pytyvõhára, Mbo'eharakuéra, Mbo'esyry mohu'ãmbyre ombo'e'ÿva ha temimbo'ekuéra jeporavopyre.
-
Mbo'ehaorusu sambyhyhára omotenonde ha oñangareko mbo'ehaorusúre, oporohenói ha omotenonde Mbo'eharakuéra aty ha Mbo'ehaorusu Sambyhyhára Tekombo'eaty, ombohéra opytátava aranduchauka mesápe, avei ojapo opáichagua tekorã apopyrã rekópe he'háicha.
|
|
|
