|
Aranduverã
Ñemoaranduve Mbo’ehaovusúpe
ha’e peteî tekotevê añete ikatuhaguãicha
oñembopyahu tembikuaa ha oipe’a hokê ojepysohaguáicha
arandu ha avei oñemopyrenda jeporeka ha
jepysórã.
Mbo’esyry aranduverã ojejapo
ikatuhaguáicha oñembopyahu, ojepyso térã
oñemba’eapokuaave kuaapy oipyhyva’ekue mba’eapohára.
Péicha avei ojeheka omombarete hagua mba’erekoteê ha
mba’ekuaaite umi omohu’ãmava’ekue mbo’esyry
mbo’ehaovusúpe ha oipytyvõ hagua arandúpe
mbo’eharakuéra ha kuaapy jeporekarãme.
Aranduverã ñane Mbo’ehaovusúpe
jaguereko Mbo’esyry katupyryverã, Arandupaverã ha
Ambuekuéra, ãva ojejapo haimete. opavave
Mbo’ehaorusúpe, oipotaháicha motenodehára
aranduverã UNA-pegua.
Mbo’ekatupyryverã
Ojejapo ipypukuve hagua arandu ha sapy’ánte ipypukuve hagua
kuaapy, apopy ha mba’apokuaa umi omohu’ãmava’ekue mbo’esyry
mbo’ehaovusúgua. Ã mbo’esyry hi’are mokõi ary rupi ha ojejapova’erã tembiapo jeporeka rehegua.
Ikatuhaguáicha rehupyty kuatia atã Master rehegua
mbo’ehaovusupegua kuatia he’i rejapova’erã ha Tembiapochaukaha
Mbo’esyry arandupaverã
kóva ha’e mbo’epy ijyvatevéva kuaarekopype guarã.
Heta temimbo’e ã mbo’esyrypegua ha’e umi omohu’ãmava’ekue
mbo’esyry mbo’ehaorusúpegua oñemoaranduvemava’ekue
katupyryverãme ha oikeséva mbo’ehararõ
térã jeporekahárõ. Arandupave ndive ojepyhy
arandu hypy’uvéva . Mbo’esyry katupyryverãicha ko
mbo’esyrype ojejapova’erã tembiapo iporãva jeporeka
rehegua.
Ñemba’apokuaaiterã
Ha’e mbo’esyry hi’are’ivéva mbo’ekatupyryverãgui,
ryverãgui, ojepypukuvehápe peteî térã heta
mbo’epy hekopete ojepuru hagua, katuete imba’apopype. Umi
apopyrã ojejapo ikatuhaguáicha nombyaíri
temimbo’ekuéra rembiapo. Ã mbo’esyry noikoteveiva
tembiapo chauka apo.
Mba’epyahu kuaarã
Ha’e avei mbo’esyry mbykymi, ohupyty katuete mokõi, mbohapy
arapokõindy térã jasy. Upépe ikatu eipyhy
kuaapy pyahu mbo’ereko ha mba’epokuaápe ha temimbo’ekuéra ikatu ojapo ikatuháicha.
|
