Jekuaauka ha Jeporeka

Ága rupi, mbo'evusukuéra hembiapo mbo'epyguápe omoingeve ohóvo apopyrã rape omokyre'ÿ ha ojejapo hagua tembiapo jeporeka rehegua ikatuva'erã tekovekuéra oipuru arandurã.

Ko ñe'êrysýipe ñamoinge techaukapy umi aty ha apopyrã jeporekarã oíva pururã UNA joajúpe web rupive:

• CNC jeporeka renda oguereko peteî aty oñeha'ãva tenondegua aporeko okakuaa ha ojepuru hagua aporekokuaa rekoveteê ñepa'ãme oñemoî porã hagua mba'emohendaha joajúpe, mba'eapokuaa ñanirýiguáva, mba'eapokuaa yrekoguáva, jeroviapy, jovái joja, papapykuaa pa'û ha arandu gua'u.
• IICS oguereko heta mba'apohára renda ha tembiaposa'ÿijoha poravopyre tesãirekokuaa jeporekápe. Web-pe oguereko peteî jekuaauka ñemohendapyre ojejapóva mbo'ehaópe.
• Jeporeka ha Jepyso Sambyhyha Mbo'ehaorusu Facultad de Ciencias Económicas oñembohete mbo'epyaty Yvypóra'aty ha Kakuapy ha Virupurukuaa jeporeka. Kuaapy hesegua oî ojepuruhaguáicha mbo'ehaorusu web-pe.
• Mbo'ehaorusu Facultad de Ciencias Agrarias pe onohêva kuatiahaipyre Jeporeka Temitÿrekogua oguerekóva heta jehaipyre arandu ha osêva poteî jasy jave.
• Mbo'ehaorusu Facultad de Ciencias Químicas web-pe oguereko jepururã kuaapy mba'apo rape rehegua ha kuatiahaipyre jeporeka rehegua. Ko mbo'ehaorusupegua Jeporeka Sambyhyha oñembohete ka'avokuaaty (Botánica), Tumisa'ÿijo Yvyrarekogua (Fitoquímica), Pohãrekokuaa (Farmacología), Tekotumisa'ambue (Bioquimica), (Hi'upy) Alimentos ha (Mongaru) Nutrición.
• Mbo'ehaorusu Facultad de Derecho oî Mbo'esyryo Paraguaigua Tekoveatygua Jeporeka ha ambue mbo'esyryo jeporekagua oipyhýva heta mbo'epyrã Tekokatúicha (tetãgua, avarekogua, tekopygua, jehe'agua).
• Mbo'ehaorusu Veterinaria web-pe oî peteî apopyrã ñemohendapyre jeporeka rehegua ogueraháva tenonde gotyo mbo'ehaorusu, umi ary ohasaramóvape.
• Web-pe Apopyrã Jekuaauka Jeporeka ha Tembiapo rehegua ha'e peteî pytyvõ mbo'epyrã rekohárape guarã oikuaaséva tembikuaaty jehaipyre ha tembiapo heseguáva ojejapóva Mbo'ehaovusu Tetãgua Paraguayguápe.
• UNA-pegua Jeporeka Sambyhyha peteî ary vove onohê Kuatiahaipyre Kuaapy ha Aporekokuaa rehegua, oguerekóva arandu ñane mbo'ehaorusu jeporekahára rembiapokue.