Jeikerã

Ojeikeségui peteî mbo'ehao ohekombo'e yvatevévape, itujave ha heko pukuvéva ñane retãmegua, ary ha arýpe temimbo'ekuéra opáichagua, imboriahu ha iviru hetáva, ha opa tendagua omoguahê ñane Mbo'ehavusúpe hetaiterei kuatiajerure jeikerã.

Oikeséva arandurãme
Marandu ohóva umi omohu'ãmava'ekue mbo'esyry mbytegua ha omoñepyrûtava mbo'esyry tuichavéva.

Jeikerã apopyrã jeporavopyre
Temimbo'ekuéra ha omohu'ãva'ekue mbo'esyry UNA-pe guarã ha ambue mbo'ehaovusu ñane retãmegua, avei ambue tetãmegua temimbo'ekuéra ha omohu'ãva'ekue mbo'esyry mbo'ehaovusupegua.

Oikeséva aranduverã mbo'esyrýpe
Mbo'ehaovusu mbo'esyry omohu'ãva'ekuépe ikatupyrysevéva ha omohypy'ûsevéva arandu mba'eapokuaa, mbo'esyry katupyryverã ha arandupavê rupive.

Oikeséva arandurãme.

Temimbo'e jeike ojepapo aranduchauka jeikerã ha mbo'esyry ñeha'ã rupive ojapo ha omboguatáva mbo'ehaorusu ha mbo'ehao'atykuéra ojejapohápe opáichagua arandurã ha mbo'epyrã.

Mbo'ehao'atykuéra oguereko tekoveaty térã jeikerãenda he'íva mba'éichatapa ha mba'épa umi tekotevêpy jeikerã, oñemboguatáva UNA-pegua mburuvichakuéra he'iháicha.

Ára oñepyrûha, hi'arekue ha mboy ára rirépa oî jey jeikerã ojejapo mbo'ehaorusukuérape, péicha avei mboýpa ojehepyme'êva'erã mbo'esyry ñeha'ã ha aranduchauka jeikerãre.

Ojejapo porãve ha hesakãporãve hagua tembiapo jeikerã rehegua ñane Mbo'ehaovusúpe, haimete opavave mbo'ehao'aty ñanirýireko rupive ohepyme'ê ha omboguata aranduchauka.

Arajekuaarã, tekotevêpy, joaju ha ambue marandukuéra

Reikuaa hagua araka'épa mbo'ehao'aty mbo'epyrãkuérape ojehechakuaa jeikerã, oikesévape guarã tekotevêpy, jeikerãenda marandu ñemoguahêha renda ha ambue mba'ekuéra, ehecha » joaju ha ambue mba'ekuaapy.

Jeikerã apopyrã jeporavopyre

Mbo'ehaovusu mbo'esyry omohu'ãmava'ekue oikeséva ambue arandurãme ikatu oike jeporavo jeikerãme oîva sa'imi ojapóva mbo'ehao'aty mbo'epyrãgua.

Jeikerã jerure jehecha ojejapo tekorã ha tekorã'aty jeporavopyre rupive ohecháva imba'ejeruréva mbo'epy reko. Mbo'ehao'atýpe sapy'ánte tekombo'eha mbo'ehaovusupegua ohecha ãichagua jerure.

Péicha avei, temimbo'ekuéra mbo'ehaorusúgua oikeséva ambue arandurãme ikatu omoingue ikuatiajerure.

Ojeguereko apopyrã temimbo'ekuéra ha omohu'ãva'ekue mbo'esyry UNA-pegua ha ambue mbo'ehaorusu ñane retãmegua guarã, avei temimbo'ekuéra ha omohu'ãva'ekue mbo'esyry mbo'ehaorusu ambue tetãmegua. Ojejerurévove mbo'epy ñemoañete ojehecha apopyrã jepuruka ha ñe'ême'ê rupive ojeguerekóva mbo'ehaovusu ha mbo'ehaorusukuéra ouhágui ndive.

Ojeguerekove hagua marandu jeikerã jeporavo rehegua, ehecha » joaju ha ambue mba'ekuaapy.

Oikeséva aranduverã mbo'epýpe.

Ñane Mbo'ehaovusu oikuave'ê omohu'ãva'ekue mbo'esyry mbo'ehaorusúpe opáichagua aranduverã, mbo'esyry katupyryverã, arandupavê ha ambue mbo'esyry aranduverã ojapóva mbo'ehao'aty.

Mbo'ehao'aty ojapo ha omboguatárõ jepe ã mbo'esyry, jeikerã ojejapo tekorã rupive osambyhýva Motenondeha guasu mbo'epyrã aranduvegua UNA-pegua (Dirección General de Postgraduación Académica de la UNA)